Henri Iii. Lettre de Henri Iii du 7 octobre 1576. Importants détails de la cérémonie de la remise de l'ordre de Saint-Michel au sieur de Cousture par le sieur de Bourdeille, délégué par le Roi : " Monsieur de Bourdeille chevalier de l'ordre du...
Estimation :
1500 / 2000
Adjudication :
1 500 €
Description
Roy et capitaine de cinquante lances des ses ordonnances baillera audit de Costure la lettre que sa Majesté lui escrit, par laquelle il entendra comme pour ses vertuz et mérites il a esté choisi et esleu par icelieu sieur souverain et les aultres chevaliers de l'ordre monsieur sainct Michel estant auprés de luy pour y estre associé, et s'il acepte ladicte eslection, ledict sieur de Bourdeille luy fera scavoir où il aura à se trouver pour lui donner ledict ordre. Il lui fera entendre et declairera plus amplement ladicte eslection et que ce qui amene ledict seigneur souverain et autres chevaliers dudict ordre à l'appeler et l'associer en icelle compaignie a esté la cognoissance qu'ilz ont de ses vertuz et merites, avecque esperance qu'il perserverera à l'honneur dudict ordre et à sa grande recommandation et louange. Cela faict, le fera mectre à genoulx et luy fera prometectre et jurer en ses mains par ses foy, serment, et sur son honneur, ses mains touchant les saint Evangilles de Dieu, ce qui sursuit : Vous jugez Dieu vostre createur et sur la part que vous pretendiez en paradis que à vostre loyal pouvoir vous ayderez à garder et soustenir et deffendre les haultesses droits de la Couronne, Majesté royale, et l'authorité du souverain de l'ordre et ses successeurs souverains tant que vous vivrez et serez d'icelle. Que de tout vostre pouvoir vous vous employerez à maintenir ledict ordre, estat et honneur, et mettrez peyne de de l'augmenter sans le souffrir decheoir et moindrir tant comme vous y pourrez remedier et pourveoir. S'il advenait, que Dieu ne voulle, que en vous fust trouvé aucune faulte par quoy selon les coustumes dudict ordre en fussiez privé et sommé et requis en rendre le collier, vous en ce cas le rencoyerez audict souverain ou au trésor dudict ordre sans jamais apresladicte sommation porter ledict collier, et toutes peynes punitions qui pour autre ou moindre cas vous pourraient estre enjoincte et ordonnées vous porterez et acomplirez patiemment sans avoir peur, ne porter à l'occasion desdits choses hayne, malvaillance ou rencune envers ledict souverain, freres compagnons et officiers dudict ordre. Et de votre loyal pouvoir acomplirez tous les statuz, poinctz, articles et ordonnances dudict ordre et le promectez, jurez en tout ainsy que si particulierement sur chacun desdits poinctz vous en aviez faict de serment. Ce faict, ledict sieur de Bourdeille prendra le collier dudict ordre et le mectra autour du col dudict sieur de Coustures en luy disant : L'ordre vous reçoit en son aymable compaignie et en signe de ce que vous donne le present collier. Dieu veuille que longuement vous le puissiez porter à sa louange et service exaltation de la sainte Eglise accroissement et honneur de l'ordre et de vos merites et bonne renommée. An nom du Père et du Filz et du benoist Saint Espriz. A quoi il repondra : Dieu m'en donne la grace. Après, le baisera en signe d'amour perpetuel. Retirera ledict sieur de Bourdeille dudict sieur de Coustures ung acte de son acceptation dudict ordre, signé de son seaing et scellé de son scel, de la teneur dont est envoyé le mémoire et le renvoyera après au souverain dudict ordre. Faict à Paris le VIIe jour d'octobre 1576 Henry "
